Rajah Karuhun

Lain ngusik ulam mandi na ...

Lain ngahudang macan turun na ...

Lain ngungkit nu kamari ,

Lain ngungkab nu baheula ,

Rék ngaguar tutungkusan Karuhun ...

Amit ampun nya paralun ka Gusti nu Maha Agung (Alloh SWT)

Ka Nabi anu linuhung Muhammad anu jinunjung

Rahmat sapaat kasuhun Simkuring neda papayung ...

Kaluhur neda papayung, papayung nu Maha Agung

Kahandap neda pangraksa, pangraksa Maha Kawasa

Kalér kulon kidul wétan mugi diaping dijaring....

Tiluluhur ti Karuhun ti Buyut ti Nini Aki

Nu nurunkeun kabudayaan

Degung pantun tembang kawih

Ieu Abdi sadayana seja ngaraksa mupusti, seja ngaraksa mupusti ...

Amit kanu magku lembur, 

Kanu nyungsi dinu sepi, 

Nu keur geunah tumaninah,

Bisi kausik keur calik,

Kalangkah kaliliwatan nega agung nya haksami, kalangkah kaliliwatan neda agung nya haksami...

Amit ngahudang wayangkeun...